FIESTAS DE S.FROILAN - EN LUGO

FESTAS DE S.FROILAN. EN LUGO.
Desde el día 4 al 12 de Octubre.

(Muralla de Lugo)

Hola amigos: El proximo día estaré, en Lugo, en las Fiesta de S.Froilan. Aunque las fiestas son desde el día 4 , YO SOLO ESTARE EL DÍA 12 de Octubre. Visitar la Hermosa muralla y por supuesto visitar esta hermosa ciudad, y no os olvideis de pasar por mi puesto.

OS ESPERO.


As festas de San Froilán

http://www.sanfroilan.info/

Para clausurar as festas, o 12 de outubro, o San Froilán recupera o seu pasado medieval e nas rúas do ámbito da Catedral, recréase a Feira Medieval, que cada edición acumula máis visitantes e participantes. Non deixa de crecer, ano tras ano, o número de lucenses e turistas que se animan a vestir traxes da época e a participar nas actividades que se organizan, como son os espectáculos de cetraría, a celebración de bailes da época ou o banquete medieval ou a recuperación de antigos oficios -ferreiros, artesáns e carpinteiros realizan demostracións en vivo-.



O outono na cidade de Lugo é recibido coa algarabía das festas máis populares e concorridas de toda Galicia: o San Froilán. Esta celebración, unida aos atractivos desta cidade bimilenaria, constitúe un motivo máis que interesante para visitar a cidade entre o 4 e o 12 de outubro.

Durante estes dez días os lucenses, e o máis do medio millón de visitantes que acoden habitualmente ás festas, enchen as rúas de Lugo, que viste coas súas mellores galas a marabillosa zona antiga, a emblemática Muralla romana e o paraíso botánico que é o Parque de Rosalía, pois son os centros neurálxicos das actividades festivas.

Este ano, ademais, coincide a celebración do Xacobeo coa conmemoración do décimo aniversario da Declaración da Muralla Patrimonio da Humanidade, o que aínda fai máis universal o San Froilán, que dende o 2006 ten o recoñecemento de Festa de Interese Turístico Nacional. E dende logo, non lle faltan motivos para presumir, pois ao longo de máis de 250 anos de historia, o San Froilán creceu cos tempos e, sen abandonar o sabor máis tradicional e autóctono da feira popular, aprendeu a combinar a tradición e a modernidade, característica que, xunto á proverbial hospitalidade lucense, se converte no segredo do éxito destas populares festas.

E, se non son poucos os lugares belos que conta a cidade, ten un aliciente máis que abre o apetito dos padais máis esixentes: a súa gastronomía. Xa é famoso en todo o país o lema "L para comer, Lugo" e, durante o San Froilán, cobra un especial protagonismo polo prato máis emblemático das festas, e que xa é un símbolo lucense: "ou polbo á feira". Toneladas de polbo consúmense nas tradicionais casetas e nos restaurantes da cidade durante as festas. Estes banquetes pantagruélicos son un ritual imprescindible, tanto para os lucenses coma para os visitantes, porque ademais de saborear este prato típico, moitas veces acompañado pola non menos famosa "carne ao caldeiro", convérsase, celébrase a festa e, sobre todo, gózase dunha experiencia única polo extraordinario ambiente que se vive nas casetas.

O programa de festas, deseñado pola Concellaría de Cultura e Turismo, ten unha estrutura básica que se mantén dende o século XIX e, seguindo esta tradición centenaria, articúlase un completo programa con centenares de actividades gratuítas para todos os públicos e todos os gustos, porque se algo converte o San Froilán nas festas máis concorridas de toda Galicia é que todo o mundo é ben recibido.

CONCELLO DE LUGO.